Abşeron rayonu, Şirvan yaşayış massivində su borusunun partlaması nəticəsində içməli su fasiləsiz şəkildə küçələrə axıb.
Hadisə nəticəsində Xırdalan, Sumqayıt və ətraf ərazilərdə 3 gün suyun verilməsində fasilələr yaranıb. Sakinlər bildirib ki, bir tərəfdən su qıtlığı yaşayırlar, digər tərəfdən isə tonlarla içməli su boş yerə axıb gedir.
Bəs qəzanın aradan qaldırılması ilə bağlı aidiyyəti qurum tərəfindən hansı addımlar atılıb?
Məsələ ilə bağlı Azərbaycan Dövlət Su Ehtiyatları Agentliyindən (ADSEA) sorğuya belə cavab verilib.
"Normadan 6 dəfə çox yağan bir neçə günlük intensiv yağışlar zamanı həmin ərazidə yağış sularının toplanması nəticəsində içməli su təminatında yaranan problem aradan qaldırılıb. Xəttə su vurulur, sakinlərin su təminatının əvvəlki rejimlə bərpası prosesinə başlanılıb", – qurumdan vurğulanıb.
Mənbə: Konkret.az
