Sumqayıtda fəaliyyət göstərən sərnişin avtobusunda yaranan vəziyyət ciddi narazılıqla qarşılanıb.
Sumqayit24.az-ın əldə etdiyi məlumata görə, 9 nömrəli marşrut avtobusunun sürücüsü qaydaları kobud şəkildə pozub.
Videogörüntülərdən aydın olur ki, sürücü nəqliyyat vasitəsini idarə edərkən əllərini sükandan çəkərək telefonla danışıb, avtobusu isə dizi ilə idarə etməyə cəhd göstərib.
Bu cür məsuliyyətsiz davranış sərnişinlər və ictimaiyyət tərəfindən ciddi qınaqla qarşılanıb.
