Sumqayıtda avtobusun yolda nizamsız hərəkəti sürücülər arasında çaşqınlıq yaradıb.
Sumqayit24.az-a daxil olan məlumata görə, hadisə avtomobillərin intensiv hərəkət etdiyi Sülh prospektində qeydə alınıb. Kadrlardan da görünür ki, Bakı–Sumqayıt marşrutu üzrə hərəkət edən sərnişin avtobusu tez-tez zolağını dəyişir. Belə vəziyyət həm digər sürücülər arasında çaşqınlığa, həm də sıxlıq olan yolda vəziyyətin daha da qəlizləşməsinə səbəb olub.
Qeyd olunub ki, avtobusun bu cür nizamsız hərəkəti bəzi sürücülərin ani manevrlər etməsinə səbəb olub. Nəticədə ərazidə qısa müddət ərzində tıxac yaranıb və nəqliyyatın hərəkəti çətinləşib.
