Sumqayıtda intensiv yağıntının yaratdığı problemlər davam etməkdədir.
Sumqayit24.az-ın əldə etdiyi məlumata görə, İnşaatçılar qəsəbəsi, Dadaş Bünyadzadə küçəsini və həyətləri yağış suları basıb. Belə vəziyyət isə sakinlərin gündəlik həyatında ciddi problemlərə səbəb olur.
"Kanalizasiya qoxusu hər tərəfə yayılıb. Bundan əlavə, suya görə küçəyə belə çıxa bilmirik. Yerli sakinlər zibil atmaqda çətinlik çəkir, əlacsızlıqdan məişət tullantılarını hara gəldi atırlar. Nəticədə də ərazidə antisanitar vəziyyət yaranır. Problemlə bağlı aidiyyəti qurumlara məlumat versək də, məsələnin həlli istiqamətində addım atılmır", - deyə vətəndaş bildirib.
