Bakı-Quba avtomobil yolunun Sumqayıtdan keçən hissəsində baş verən qəzada xəsarət alan şəxslərdən biri ölüb.
Sumqayit24.az-a Sumqayıt Tibb Mərkəzindən bildirildi ki, Təcili Tibbi Yardım Xəstəxanasına ağır vəziyyətdə hospitalizasiya olunan 1977-ci il təvəllüdlü şəxsin aparılan reanimasiya tədbirlərinə baxmayaraq bioloji ölüm faktı qeydə alınıb.
Hazırda 1991-ci il təvəllüdlü şəxsin müalicəsi davam etdirilir, vəziyyəti stabildir.
***
Bakı–Quba avtomobil yolunun Sumqayıtdan keçən hissəsində qəza baş verib.
Report.az-ın məlumatına görə, hadisə Hacı Zeynalabdin Tağıyev qəsəbəsi ərazisində qeydə alınıb. Belə ki, hərəkətdə olan yük avtomobili idarəetmədən çıxaraq aşıb.
Qəza nəticəsində xəsarət alanların olduğu bildirilir. Yaralılar hadisə yerinə çağırılan təcili tibbi yardım briqadaları tərəfindən xəstəxanaya çatdırılıblar.
Əraziyə Fövqəladə Hallar Nazirliyinin (FHN) xilasediciləri və polis əməkdaşları cəlb olunublar. Təhlükəsizlik tədbirləri görülüb, yolda nəqliyyatın hərəkəti qismən məhdudlaşdırılıb.
Faktla bağlı araşdırma aparılır.
