Sumqayıtda piyada keçidində təhlükəli vəziyyət yaranıb.
Sumqayit24.az-a müraciət edən vətəndaşların sözlərinə görə, Saray körpüsü istiqamətində, Məhəmməd Əsədov küçəsində piyada zolağı olmasına baxmayaraq, sürücülər piyadalara yol vermirlər.
Yerli sakinlərin sözlərinə görə, həmin ərazidə tez-tez yol-nəqliyyat hadisələri baş verir.
"Maşınların əksəriyyəti burada piyadalara yol vermir. Hətta bu yolda qonşumuzu avtomobil vuraraq öldürmüşdü",- deyə şikayətçi bildirib.
Sakinlər aidiyyəti qurumlardan həmin ərazidə müşahidə kameralarının və ya işıqforun quraşdırılmasını tələb edirlər.
