Sumqayıtdakı küçələrin birində lükün ətrafında təhlükəli vəziyyət yaranıb.
Sumqayit24.az-a daxil olan məlumata görə, 21-ci mikrorayonda, Dadaş Dadaşov küçəsində, 2 nömrəli məktəbin yaxınlığında yağışdan sonra lükün ətrafında çökmə və deşiklər əmələ gəlib.
"Bura işlək küçədir, yaxınlıqda məktəb də yerləşir. Çox sayda insan və nəqliyyat vasitəsi bu yoldan istifadə edir. Bir sözlə, problemin həll edilməsi mütləqdir ", - deyə sakin bildirib.
Vətəndaşlar aidiyyəti qurumlardan problemin həlli istiqamətində addım atılmasını xahiş edirlər.
