Sumqayıtlı şahmatçılar yarışda yüksək nəticə əldə ediblər.
Azərbaycan Şahmat Federasiyasının məlumatına görə, şahmat üzrə 8, 10, 12, 14, 16 və 18 yaşadək oğlanlar və qızlar arasında Azərbaycan çempionatına yekun vurulub.
Yarış ilk dəfə paytaxtdan kənarda - Gəncə şəhərindəki Gəncə İdman Sarayında təşkil olunub.
Ölkə çempionatının bağlanış mərasimində iştirak edən Azərbaycan Şahmat Federasiyasının prezidenti, Beynəlxalq Şahmat Federasiyasının vitse-prezidenti Mahir Məmmədov qalibləri təbrik edərək onlara növbəti yarışlarda uğurlar arzulayıb.
Sumqayit24.az müxtəlif yaş kateqoriyalarında olan sumqayıtlı mükafatçıları təqdim edir:
12 yaşadək oğlanlar:
Nurlan Əzizli (Sumqayıt) - 3-cü yer
12 yaşadək qızlar:
Xanımzar Hümmətli (Sumqayıt) - 2-ci yer
14 yaşadək qızlar:
Leyla Mirzəliyeva (Sumqayıt)- 2-ci yer
Fatimə Mirzəliyeva (Sumqayıt) - 3-cü yer
16 yaşadək oğlanlar:
Elçin Şəkərəliyev (Sumqayıt) - 2-ci yer
18 yaşadək oğlanlar:
Rüstəm Rüstəmov (Sumqayıt)- 2-ci yer
Fərid Orucov (Sumqayıt) - 3-cü yer
18 yaşadək qızlar:
Nurtən Nuriyeva (Sumqayıt)2-ci yer
Qeyd edək ki, hər yaş qrupunda mükafatçı şahmatçılar müvafiq dərəcəli diplom və medalla təltif olunub. Azərbaycan çempionları müvafiq yaş qrupunda 2026-cı ilin dünya çempionatı və Avropa çempionatına, 2-ci yeri tutan şahmatçılar müvafiq yaş qrupunda 2026-cı ilin Avropa çempionatına ezam ediləcək. 3-cü yeri tutan şahmatçılara isə reytinqli beynəlxalq yarışda iştirak üçün 2 000 manatadək maddi dəstək göstəriləcək.
