"Zal dolu idi, əksəriyyəti də Sumqayıt sakinləri. Onları görəndə çox sevindim, həm də ağladım".
Bunu Xalq artisti Valeh Kərimov 10 mart - Milli Teatr Günündə təqdim etdiyi "Sonuncu qonaq" tamaşasından danışarkən deyib.
82 yaşlı aktyor səhnə üçün darıxdığını etiraf edib:
"Zal dolu idi, əksəriyyəti də Sumqayıt sakinləri. Onları görəndə çox sevindim, həm də ağladım. Tamaşa anşlaqla keçdi. Qonaqlarımı doyunca əyləndirdim. Tamaşaçı sevdiyi aktyoru daim səhnədə görmək istəyir, çox sağ olsunlar, məni tək qoymadılar".
Valeh Kərimov 10 gündən sonra həmin tamaşanı yenidən oynayacağını açıqlayıb:
"Məni səhnədə görmək istəyən bütün tamaşaçılarımı gözləyirəm".
Xatırladaq ki, Sumqayıt Dövlət Dram Teatrı 10 mart – Milli Teatr Günü tatar dramaturqu Taufiq Minullinin "Ərmağanlı Əlməndər" əsəri əsasında hazırlanan "Sonuncu qonaq" tamaşasını təqdim edib. Tamaşa Xalq artisti Valeh Kərimovun quruluşunda təqdim olunub. Aktyor tamaşada baş qəhrəmanı - Əlməndər obrazını canlandırıb.
Mənbə: Qaynarinfo.az
