Sumqayıtlı idmançı beynəlxalq yarışa hazırlaşır.
Sumqayit24.az xəbər verir ki, beynəlxalq Şotokan Karate-do Federasiyasının yığma komandasının üzvü Ülvi Məmmədov (84+ kq) ölkəmizi 15-18 may tarixində Rumıniyada keçiriləcək 15-ci WSF üzrə Avropa çempionatında təmsil edəcək.
Ülvi Məmmədov mötəbər yarışa Beynəlxalq Şotokan Karate-do Federasiyasının məşqçisi Elnur Əliyevin rəhbərliyi altında qatılacaq.
Qeyd edək ki, idmançımız bir il öncə ağır əməliyyat keçirib. Hazırda isə İstanbul şəhərində Yaser Şahin Tekinin rəhbərliyi altında təlim-məşq toplantılarını davam etdirir.
Ülvi Məmmədov 2021-ci ilin oktyabrında Polşanın Katovis şəhərində keçirilən fudokan üzrə 25-ci Avropa çempionatında komanda döyüşlərində bürünc medal, həmin ilin noyabrında Türkiyədə keçirilən WSF üzrə dünya çempionatında gümüş medal, 2022-ci ildə isə Qırğızıstanda keçirilən Açıq Asiya çempionatında gümüş medal qazanmıb. 2022-ci ildə həmçinin Çexiyanın Pardubitse şəhərində Dünya Şotokan Federasiyasının təşkil etdiyi 12-ci dünya çempionatında Ülvi Məmmədov dünya çempionu tituluna yiyələnib. 2023-cü ildə isə o, Bolqarıstanda Avropa çempionu olub.
