Bu gün sumqayıtlı şəhidin doğum günüdür.
Rəcəb Qulamov 31 mart 1996-cı ildə Sumqayıt şəhərində anadan olub. Orta təhsilini şəhərin 6 saylı məktəbində alıb. Subay idi.
8 sentyabr 2020-ci ildən müddətdən artıq həqiqi hərbi xidmət qulluqçusu olaraq fəaliyyət göstərib.
Azərbaycan Ordusunun əsgəri olan Rəcəb Qulamov 2020-ci il sentyabrın 27-də başlanan Vətən müharibəsində atıcı olaraq iştirak edib.
Murovdağın azadlığı uğrunda gedən döyüşlərdə vuruşub. Rəcəb Qulamov 1 oktyabr 2020-ci ildə Murovdağ istiqamətində döyüş tapşırığının yerinə yetirilməsi zamanı şəhid olub. Uzun müddət nəşi tapılmayıb. Müdafiə Nazirliyi onun itkin olduğunu bildirərək intensiv axtarışlara başlayıb. 19 fevral 2021-ci ildə tapılaraq Sumqayıt Şəhidlər Xiyabanında dəfn edilib.
Prezident İlham Əliyevin Sərəncamlarına əsasən, Rəcəb Qulamov ölümündən sonra "Vətən uğrunda", "Kəlbəcərin azad olunmasına görə" medalları, 3-cü dərəcəli "Rəşadət" ordeni ilə təltif edilib.
