Sumqayıtlı xanım dünya reytinqində ikinci olan kollecdə magistratura pilləsinə qəbul olub.
Məlumata görə, Bakı Ali Neft Məktəbinin V kurs tələbəsi Röya Qasımova dünya reytinqinin ikincisi olan London İmperial Kollecinin Maliyyə və mühasibat ixtisası üzrə magistratura pilləsinə qəbul olub.
R.Qasımova 2021-ci ildə 683.2 bal toplayaraq II qrup üzrə ölkə ikincisi olub və Prezident təqaüdünə layiq görülüb.
Qeyd edək ki, o, 2024-cü ildə mübadilə ilə Almaniyada Schmalkalden Tətbiqi Elmlər Universitetində 1 semestr təhsil alıb. 2024-cü ilin dekabr sessiyasında "Financial Reporting" imtahanında 95% nəticə göstərərək ölkə üzrə ən yüksək balı toplayıb və "National Prizewinner" adına layiq görülüb.
Qeyd edək ki, Röya Qasımova Sumqayıt şəhər Təbiət Elmləri Təmayüllü Gimnaziyada təhsil alıb.
Mənbə: Bakı Ali Neft Məktəbi
