Sumqayıtda Novruz bayramı münasibətilə ümumşəhər tədbir təşkil olunacaq.
Sumqayit24.az-a Sumqayıt şəhər İcra Hakimiyyətinin mətbuat xidmətindən bildirilib ki, martın 18-də Sumqayıt Bulvarında bayram tədbiri təşkil ediləcək. Tədbir saat 12:00-da Sumqayıt Muğam Mərkəzi və Bayraq Muzeyinin qarşısında başlayacaq. Bununla yanaşı, tədbirlər bulvar ərazisi boyunca müxtəlif nöqtələrdə davam etdiriləcək və şəhər sakinləri üçün rəngarəng proqram təqdim olunacaq.
Tədbir çərçivəsində milli musiqilər, folklor nümunələri, əyləncəli səhnəciklər və müxtəlif mədəni çıxışlar təşkil olunacaq.
Sumqayıt sakinləri və şəhərin qonaqları Novruzun sevincini birlikdə yaşamaq, baharın gəlişini coşqu ilə qarşılamaq üçün bu tədbirə dəvət olunurlar.
