Sumqayıtda sərnişin avtobusunda yaranan vəziyyət narazılıq doğurub.
Sumqayit24.az-a daxil olan məlumata görə, 10A saylı marşrut üzrə hərəkət edən avtobus baxımsız vəziyyətdədir. Bildirilir ki, nəqliyyat vasitəsinin ümumi gigiyenik durumu qənaətbəxş deyil və salonun təmizliyi ilə bağlı problemlər mövcuddur.
"Avtobusda təmizlik işləri həyata keçirilməlidir. Gündəlik xeyli insan bu avtobusdan istifadə edir. Biz niyə antisanitar vəziyyətlə üzləşməliyik?", - deyə vətəndaş narazılığını ifadə edib.
Sərnişinlər aidiyyəti qurumlardan marşrut avtobuslarında nəzarətin gücləndirilməsini və təmizlik qaydalarına ciddi əməl olunmasını xahiş edirlər.
