Bu gün sumqayıtlı şəhidlərimizin doğum günüdür.
Abdulla Əhmədov 2002-ci il martın 12-də Sumqayıt şəhərində anadan olub. Subay idi.
Azərbaycan Ordusunun əsgəri olan Abdulla Əhmədov 2020-ci il sentyabrın 27-də başlanan Vətən müharibəsi zamanı Talışın azadlığı uğrunda gedən döyüşlərdə savaşıb. Abdulla Əhmədov sentyabrın 29-da Talış istiqamətində şəhid olub. Sumqayıt şəhərinin Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Abdulla Əhmədov ölümündən sonra "Suqovuşanın azad olunmasına görə", "Vətən uğrunda" medalları ilə təltif edilib.
Həmçinin bu gün şəhidimiz Rüfət Mustafayevin də doğum günüdür.
Rüfət Mustafayev 12 mart 1996-cı il Sumqayıt şəhərində dünyaya göz açıb. Orta təhsilini Sumqayıt şəhəri 18 nömrəli məktəbdə alıb. 2013-cü ildə həmin məktəbi bitirib və elə həmin il Azərbaycan Texniki Universitetinin "Maşınqayırma və robototexnika" fakültəsinə qəbul olub. Subay idi.
2020-ci il sentyabrın 27-də başlanan Vətən müharibəsi zamanı döyüşlərin ən qaynar nöqtələrində xidmət edib. 2020-ci il oktyabrın 9-dan 10-a keçən gecə Ağdərə istiqamətində gedən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən idarə etdiyi minik avtomobili ilə minaya düşərək komandiri polkovnik-leytenant Cəfərov Zaur ilə birlikdə qəhrəmancasına şəhid olub. Rüfət Mustafayev Sumqayıt şəhərinin Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Rüfət Mustafayev ölümündən sonra "Vətən uğrunda", "Cəsur döyüşçü" və "Suqovuşanın azad olunmasına görə" medalları ilə təltif edilib.
