“Yaşma bağları” yaşayış massivindəki mövcud yol problemi ilə bağlı açıqlama verilib.
Sumqayıt Şəhər İcra Hakimiyyətindən Sumqayit24.az-a verilən açıqlamada bildirilib ki, şəhər ərazisində yol infrastrukturunun mərhələli şəkildə yenilənməsi ilə bağlı genişmiqyaslı tədbirlər planı icra olunur:
“Sumqayıtın bütün ərazilərini əhatə edən bu proqram çərçivəsində artıq bir sıra məhəllələrdə asfaltlanma və təmir işləri başa çatdırılıb.
“Yaşma bağları” yaşayış massivində mövcud yol problemləri barədə vətəndaş müraciətləri qeydə alınıb və aidiyyəti üzrə müvafiq qurumlara yönləndirilib. Qeyd olunan ərazidə vəziyyət yerində araşdırılacaq və zəruri addımlar atılacaq”.
Qeyd edək ki, sözügedən problem insanların gündəlik həyatını çətinləşdirir. Xüsusilə yağıntılı havalarda yollar keçilməz vəziyyətə düşür, avtomobillə hərəkət isə ya qeyri-mümkün olur, ya da nəqliyyat vasitəsinə ciddi texniki ziyan dəyir.
