Sumqayıtlı taekvondoçular Avropa birinciliyində medallar əldə ediblər. Sumqayıt24 bu haqda 1 dekabr tarixində Gənclər və İdman Baş İdarəsinə istinadən xəbər verir.
Yarış Maltanın paytaxtı Valletta şəhərində keçirilib. Yeniyetmələrdən ibarət millimizdə çıxış edən Xuraman Cavadzadə (37 kq) gümüş, Fuad Məhərrəmli (45 kq) isə bürünc medalı qazanıblar.
Qeyd edək ki, komandamız Avropa birinciliyini 3 qızıl, 2 gümüş və 3 bürünc medalla başa vuraraq ümumkomanda hesabında üçüncü yerə layiq görülüb. Bu göstərici Azərbaycan taekvondo tarixində son 17 ilin rekord nəticəsidir.
Yığma komandanın məşqçiləri Rəşad Məmmədov və Vurğun Cəfərovdur.
