Sumqayıtlı boksçular Bakı birinciliyindən 9 medal ilə geri dönür. Bu haqda Olimpiya İdman Kompleksinin sosial şəbəkə hesabına istinadən xəbər veririk.
Sözügedən idman mərkəzinin 9 təmsilçisi paytaxtda, klublar arasında keçirilən açıq turnirə qatılıb. Nəticədə Teymur Həsənli, Əli Əliyev, Kənan Əliyev, Elmir Əliyev, Yusif Abdullayev, Aqil Məhərrəmli, Amin Bayramov və Səid Rəsul rəqibləri məğlub edərək 1-ci olublar. Hüseyn Həsənli isə finalda uduzaraq gümüş medala layiq görülüb.
İdmançılar Sumqayıt Olimpiya İdman Kompleksinin direktoru, boks üzrə məşqçi Bəylər Mirzəyevin rəhbərliyi ilə turnirə yollanıblar.