Kişilər arasında ACF turunun üçüncü turniri yekunlaşıb. Sumqayıt24 bu haqda 12 avqust tarixində Azərbaycan Cüdo Federasiyasına istinadən xəbər verir.
Yarış Hövsan qəsəbəsi, Fövqəladə Hallar Nazirliyinin (FHN) İdman Sağlamlıq Mərkəzində keçirilib. Burada 19 klub, cəmiyyət və idman təşkilatından olan 48 cüdoçu mübarizə aparıb.
Sumqayıtlı idmançı Rövşən Əliyev (-60 kq) bütün rəqiblərini yenərək qızıl medal qazanıb. Digər cüdoçumuz Eltac Yusifli (-66 kq) isə yalnız finalda uduzaraq ikinciliklə kifayətlənib.
Qeyd edək ki, bu yarışlar nəticəsində formalaşan reytinqdə ilk yeri tutan idmançılar Bakı Böyük Dəbilqə turnirinə (22-24 sentyabr) vəsiqə qazanacaqlar.
