Sumqayıt Olimpiya İdman Kompleksinin triatlon komandası yarışda uğurlu nəticə nümayiş etdirib. Bu haqda 4 sentyabr tarixində Sumqayıt24 məlumat verir.
Triatlon idman növü üzrə Azərbaycan çempionatı Mingəçevir şəhərində baş tutub. Mükafatlandırma mərasimi Gənclər və İdman Nazirliyi, eləcə də Azərbaycan Triatlon Federasiyasının birgə təşkilatçılığı ilə keçirilib.
Olimpiya İdman Kompleksinin məşqçisi İdris Yusifovun tələbələri Nihad Abdullayev, Nihad Həsənli, Toğrul Bağırlı, Fərhad Mərdanlı yarışda iştirak edərək yüksək nəticə göstəriblər.
İdmançılarımız 300 m üzgüçülük, 8 km velosiped və 2 km qaçış məsafəsini qət edərək finiş xəttinə ön pillələrdə çatıblar.
