“Sumqayıt” futbol klubu birinciliyin qalibi olub. Sumqayıt24 bu haqda 11 sentyabr tarixində xəbər verir.
AFFA-nın dəstəyi, Abşeron-Xızı Regional Gənclər və İdman İdarəsi, Şimal Regional Futbol Federasiyası və “Sumqayıt” FK-nın birgə təşkilatçılığı ilə 13 yaşlı futbolçular arasında çempionata hazırlıq məqsədilə “Yay Kuboku” turniri keçirilib.
Yarışa Sumqayıt, Xırdalan və Bakı şəhərlərindən ümumilikdə 8 komanda qatılıb. Nəticədə “Yay Kuboku”nun əsas mükafatı Sumqayıta gəlib. 2-ci və 3-cü yerlərə isə müvafiq olaraq “Sumqayıt City” və İOEUGİŞM komandaları yiyələnib.
Qalib və mükafatçılar medal və diplomlarla təltif olunublar.
