"Sumqayıt" futbol klubu qvineyalı oyunçunu heyətinə qatıb. Sumqayıt24 bu haqda 27 iyul tarixində xəbər verir.
Komandamız "İstanbul Başakşehir" klubunun futbolçusu Alya Tureni 1 illik icarəyə götürüb. 20 yaşlı cinah yarımmüdafiəçisi "37" nömrəli formada çıxış edəcək.
Qeyd edək ki, Alya Ture karyerası boyunca Qvineyanın "Sekvens", Türkiyənin "İstanbul Başakşehir" və "Akhisarspor", eləcə də Danimarkanın "Yammerbuxt" klublarında çıxış edib. O, Qvineyanın 19 yaşadək futbolçulardan ibarət milli komandasına da dəvət alıb.
