Sumqayıtda atletika üzrə ümumtəhsil məktəbləri arasında (oğlanlar və qızlar) şəhər birinciliyi keçirilib.
Sumqayit24.az xəbər verir ki, turnir 22 nömrəli məktəbdə təşkil olunub. Gərgin və maraqlı idman mübarizəsi şəraitində keçirilən birincilikdə oğlanlar arasında Tunar Cəfərzadə (28 nömrəli məktəb) birinci, Rəşad Əhmədov (35 nömrəli məktəb) ikinci, Yunis Əliyev (27 nömrəli məktəb) üçüncü, qızlar arasında isə Xədicə Xalıqlı (28 nömrəli məktəb) birinci, Əminə Tağı (15 nömrəli məktəb) ikinci və Aysu İbrahimli (36 nömrəli məktəb) üçüncü yerə layiq görülüb.
Qalib komandalar diplom və medallarla təltif edildilər.
