"Məmmədyarovlar Kuboku 2023" adlı beynəlxalq şahmat festivalının açılış mərasimi keçirilib. Bu haqda 4 avqust tarixində Sumqayıt24 şahmat məktəbinə istinadən məlumat verir.
Tədbir Quba "Bərpa SPA mərkəzi"ndə təşkil olunub. Burada Quba-Xaçmaz Regional Gənclər və İdman İdarəsinin rəisi Nəcəf Novruzov, Quba Rayon İcra Hakimiyyəti başçısının birinci müavini Tariyel İbrahimov, “Məmmədyarovlar Şahmat Məktəbi”nin direktoru Zeynəb Məmmədyarova, qadınlar arasında beynəlxalq qrosmeyster Türkan Məmmədyarova, Quba-Xaçmaz Regional Gənclər və İdman İdarəsinin məsul şəxsləri, gənclər, idmançılar və ictimaiyyət nümayəndələri iştirak ediblər.
Qeyd edək ki, festivalın mükafat fondu 10.000 manat təşkil edir.
