Sumqayıt paralimpiyaçısı beynəlxalq turnirdə uğurla iştirak edib. Bu haqda 25 sentyabr tarixində Sumqayıt24 Abşeron-Xızı Regional Gənclər və İdman İdarəsinə istinadən məlumat verir.
Perunun Lima şəhərində Paraatıcılıq idman növü üzrə Dünya çempionatı keçirilib. Millimizin tərkibində çıxış edən Kamran Zeynalov 50 metr məsafəyə atışda 220 xal toplayaraq şəxsi yarışda qızıl, qarışıq komanda yarışında gümüş medala layiq görülüb.
İdmançımız bu nəticəni əldə etməklə “Paris-2024” XVII Yay Paralimpiya Oyunlarına Lisenziya qazanıb.
Onun şəxsi məşqçisi Azərbaycan Respublikasının Əməkdar məşqçisi İradə Aşumovadır.
