“Qarabağ” – “Sumqayıt” oyununun yeri dəyişdirilib. Sumqayıt24 bu haqda 25 sentyabr tarixində xəbər verir.
“Qarabağ” rəhbərliyi Tofiq Bəhramov adına Respublika stadionunda təmir-bərpa işləri ilə əlaqədar qarşılaşmanın “Azərsun Arena”da təşkili ilə bağlı Peşəkar Futbol Liqasına (PFL) müraciət edib. PFL isə müraciətə müsbət yanaşıb.
Azərbaycan Premyer Liqasının 8-ci turunun matçı sentyabrın 29-da saat 20:00-da başlayacaq.
