“Səbail” – “Sumqayıt” matçı Azərbaycan Kinosu Gününə həsr olunacaq. Bu haqda 2 avqust tarixində Sumqayıt24 məlumat verir.
Qarşılaşma avqustun 5-də “ASCO Arena”da baş tutacaq. Bakı təmsilçilərinin yeni start götürmüş layihəsi çərçivəsində klubun cari mövsümdə keçirəcəyi hər ev oyunu Azərbaycanla bağlı əlamətdar günlərə, həmçinin beynəlxalq səviyyədə qeyd olunan müəyyən tədbirlərə həsr olunacaq.
Layihənin məqsədi futbolun cəmiyyətdə təkcə idman növü kimi assosiasiya olunmaması, həyatın müxtəlif sferalarına inteqrasiyası, tarix, mədəniyyət, incəsənət və digər sahələrin futbol vasitəsilə fərqli prizmadan gündəmə gətirilməsidir.
