Futbol üzrə Azərbaycan Premyer Liqasının 28-ci turunda 18 qol vurulub.
Sumqayit24.az xəbər verir ki, turun ən məhsuldar oyunu Mehdi Hüseynzadə adına stadionda keçirilib. “Sumqayıt” və “Sabah” klubları hərəyə 3 dəfə fərqləniblər. Digər matçların nəticələri isə belədir: “Turan Tovuz” – “Qarabağ” 1:4, “Zirə” – “Şamaxı” 3:0, “Neftçi” – “Araz-Naxçıvan” və “Kəpəz” – “Səbail” 1:1.
Turun orta məhsuldarlığı 3,60-a bərabərdir. Bu, cari mövsümün ikinci göstəricisinin təkrarıdır. 10-cu turda da 18 qol qeydə alınıb. Mövsümün rekordu isə 19 topun vurulduğu VIII tura məxsusdur. 28-ci tur mövsümün 3 ən məhsuldarlarından biri olmaqla yanaşı, 2025-ci ilin ən qollu turu olub.
