Voleybolçu qızlar arasında birincilik keçiriləcək. Sumqayıt24 bu haqda 22 dekabr tarixində Azərbaycan Voleybol Federasiyasına istinadən xəbər verir.
Yarış dekabrın 23-də start götürəcək. Burada 16 yaşlı və 16 yaşadək voleybolçulardan ibarət 18 komanda iştirak edəcək. Reqlamentə əsasən, komandalar 2 qrupda 1 dövrədən ibarət olmaqla mübarizə aparacaqlar. Sonra isə pley-off mərhələsi təşkil olunacaq.
“Sumqayıt” komandası “Ryuga”, “Aura”, “AZERRAIL-1”, “AZERRAIL-3”, “Xarı Bülbül-2”, “Abşeron”, “Lokomotiv” və “Milli Aviasiya Akademiyası” ilə birlikdə A qrupunda yer alıb.
Komandamız mübarizəyə 24 dekabr saat 11:00-da “Xarı Bülbül-2”-yə qarşı oyunla başlayacaq. Matç ADİA-nın idman zalında baş tutacaq.
