“Sumqayıt”ın baş məşqçisi “Qəbələ” ilə ev oyunundan söz açıb. Sumqayıt24 bu haqda 30 oktyabr tarixində xəbər verir.
Təcrübəli mütəxəssis Samir Abasov bildirib ki, ilk dəqiqələrdə ardıcıl 3 oyunun yorğunluğundan top itkiləri olub. Oyun da məhz buna görə alınmırdı:
“Fasilədən sonra isə fərqli "Sumqayıt" gördük. Əlimizə düşən imkanları qola çevirə bilmədik. İkinci hissədə qələbə qazanmaq istəyən komanda var idi. Həddindən artıq emosiya göstərdik. Qarşıdakı oyunlara baxacağıq. Bir həftə vaxtımız var. Üstümüzdəki yorğunluğu atmağa çalışacağıq".
Xatırladaq ki, Premyer Liqanın 11-ci turunun bu matçı qolsuz bitib.
