“Sumqayıt”ın legioneri Filipe Çabi böyük məbləğdə cərimələnəcək. Sumqayıt24 bu haqda 24 noyabr tarixində Sportinfo.az-a istinadən xəbər verir.
Dünən “Kəpəz”lə Gəncədə keçirilən kubok oyununda insident yaşanıb. Qarşılaşmanın fasiləsində Stiven Pereyranın yerinə meydana daxil olan yarımmüdafiəçi son dəqiqələrdə baş məşqçinin tapşırıqlarına etinasız yanaşıb. “Sportinq”in yetirməsi Çabi “əl-qolunu ölçüb”. O, həmçinin əlavə edilmiş vaxtda hakimin qərarına etiraz etdiyi üçün sarı vərəqə də alıb.
Qeyd edək ki, məşqçi Samir Abasov paltardəyişmə otağında portuqaliyalıya müvafiq xəbərdarlığını edib.
