“Sumqayıt-2”-nin futbolçusu Ruslan Əliyev diskvalifikasiya olunub. Sumqayıt24 bu haqda 24 oktyabr tarixində AFFA-ya istinadən xəbər verir.
O, Əvəzedicilər Liqasının 10-cu turunda “Sabah-2” ilə oyunda hakimi təhqir edib. Bu səbəbdən futbolçuya birbaşa qırmızı vərəqə göstərilib, 4 oyunluq cəza verilib, klubu isə 300 manat cərimələnib.
Bundan əlavə, matçın son dəqiqələrində meydandan qovulan “Sabah-2”-nin üzvü Fəxri Məmmədli və “Sumqayıt-2”-nin futbolçusu Said Əliyev növbəti oyunu buraxacaqlar. Hər iki komanda 50 manat ziyana düşüb.
Qarşılaşmada “Sabah-2”-nin 5, “Sumqayıt-2”-nin isə 4 futbolçusu sarı vərəqə alıb. Bu, onlara əlavə 70 manatlıq cəriməyə başa gəlib.
