Bu həftə Premyer Liqada IV dövrəyə start veriləcək.
Sumqayit24.az xəbər verir ki, milli komandaların oyunları ilə əlaqədar fasilədən sonra keçiriləcək XXVIII turun matçları üç günü əhatə edəcək. Bu mərhələdə “Sumqayıt” “Sabah”la qarşılaşacaq.
Sözügedən cüt ölkə çempionatları tarixində 26 oyun keçirib. Bunlardan 8-ni “Sumqayıt”, 14-nü isə rəqib komanda qazanıb. Qalan 4 matç bərabərliklə yekunlaşıb. “Sabah” top fərqində də öndədir – 47-24.
Son 5 qarşılaşmanın nəticəsini təqdim edirik:
25.01.25 - “Sabah” – “Sumqayıt” - 0:0;
03.11.24 - “Sumqayıt” – “Sabah” - 1:0;
25.08.24 - “Sabah” – “Sumqayıt” - 3:1;
18.05.24 - “Sabah” – “Sumqayıt” - 2:0;
17.03.24 - “Sumqayıt” – “Sabah” - 1:2.
Qeyd edək ki, komandalar arasında növbəti oyun 29 mart saat 19:00-da Mehdi Hüseynzadə adına Sumqayıt şəhər stadionunda baş tutacaq.
