Mehdi Hüseynzadə adına Sumqayıt stadionunda mövcud çatışmazlıqlar aradan qaldırılır. Bu haqda 5 iyul tarixində Sumqayıt24 xəbər verir.
Xəbər verdiyimiz kimi, UEFA nümayəndəsi arenanı yoxlayıb və müəyyən iradlar bildirib. Artıq stadionda bəzi əlavə və düzəlişlərin edilməsinə başlanılıb.
“Kimyaçılar”ın mətbuat katibi Zaur Xudiyev bildirib ki, qonaq komandanın azarkeşlərinin yer alacaqları sektor təhlükəsizlik baxımından ayrılır və kənarlardan məhdudlaşdırılır. Əlavə olaraq, xarici yayım telekanalları üçün xüsusi ərazi hazırlanır. Girişdə turniketlər qoyulacaq. Növbəti mərhələdə fiziki məhdudiyyətli azərkeşlər üçün tribunalar quraşdırılacaq. Həmçinin stadionun ətrafında böyük ölçüdə məlumat lövhələri qoyulacaq.
Xatırladaq ki, “Sumqayıt” UEFA Konfrans Liqasının II təsnifat mərhələsində “Fehervar”la qarşılaşacaq. İlk matç iyulun 25-də Sumqayıtda, cavab qarşılaşması isə iyulun 31-də Macarıstanda keçiriləcək.
