Peşəkar Futbol Liqası 3-cü turda qarşılaşacaq cütlərin statistikasını açıqlayıb. Sumqayıt24 bu haqda 18 avqust tarixində xəbər verir.
Məlumata görə, “Sumqayıt” rəqibi “Qəbələ” ilə ölkə çempionatları tarixində 43 oyun keçirib. Bunların 25-dən “Qəbələ”, 5-dən isə “Sumqayıt” qələbə ilə ayrılıb. Matçların 13-ü bərabərliklə bitib. Top fərqi də bölgə təmsilçisinin xeyrinədir – 70:33.
Qeyd edək ki, “kimyaçılar” son 8 görüşdə qalib gələ bilməyiblər. Rəqib futbolçular isə son 7 qarşılaşmada qol vurublar.
