Vətən müharibəsi şəhidi Şəhriyar Qasımovun xatirəsinə şahmat yarışı keçiriləcək. Sumqayıt24 bu haqda 20 oktyabr tarixində xəbər verir.
Blits-turnir FİDE qaydaları üzrə reytinq hesablanması ilə təşkil olunacaq. Yarış İsveçrə sistemi üzrə keçiriləcək və 9 turdan ibarət olacaq. Hər şahmatçıya 5 dəqiqə (+hər gedişə 3 saniyə əlavə) veriləcək.
Qaydalar barədə ətraflı məlumat və qeydiyyat üçün əlaqə nömrəsi: (051) 351-77-45. Turnirə yalnız İD kodu olan şahmatçılar qatıla bilərlər.
Qeyd edək ki, birincilik Gənclərin İnkişaf və Karyera Mərkəzinin Abşeron-Xızı regional nümayəndəliyi, Şəhriyar Qasımov adına idman klubu və Sumqayıt şəhər 2 nömrəli Uşaq-Gənclər İdman-Şahmat Məktəbi PHŞ tərəfindən təşkil olunacaq.
Tarix: 4 noyabr.
Vaxt: 10:00.
Ünvan: 2 nömrəli Uşaq Gənclər İdman Şahmat Məktəbi PHŞ-nin yarış zalı.
