“Sumqayıt” futbol klubunun yetirmələri U-15 millisinə cəlb olunublar. Bu haqda 16 avqust tarixində Sumqayıt24 AFFA-ya istinadən məlumat verir.
Milli komanda avqustun 16-dan 20-dək Bakıda təlim-məşq toplanışı keçirəcək. “Kimyaçılar”ın 3 futbolçusu – Tunar Mehdiyev, Amil Abuşov və Pünhan Kərimov millinin heyətinə qatılacaqlar.
Bakı toplanışından sonra müəyyənləşəcək yekun heyət avqustun 20-dən 28-dək Estoniyanın paytaxtı Tallində təşkil olunacaq UEFA İnkişaf turnirində iştirak edəcək.
