"Sumqayıt" futbol klubunun baş məşqçisi Vaqif Cavadov ölkə xaricinə yollanacaq.
Sumqayit24.az xəbər verir ki, səfərin məqsədi əcnəbi klubda təcrübə keçməkdir. Gənc mütəxəssisin hansı klubun düşərgəsinə yollanacağı dəqiq deyil. Hazırda bir neçə klubla danışıq aparılır. Amma Cavadovun gedəcəyi komandanın Avropa təmsilçisi olacağı dəqiqdir.
Qeyd edək ki, 35 yaşlı məşqçi ötən ildən "kimyaçılar"ı çalışdırır. Mövsümə əvəzedici komandanın baş məşqçisi kimi başlayan millimizin sabiq üzvünə Samir Abasovun gedişindən sonra əsas komanda həvalə edilib.
