“Sumqayıt” futbolçuları məşqləri bərpa ediblər. Sumqayıt24 bu haqda 16 noyabr tarixində Sportlife.az-a istinadən xəbər verir.
Onlar Premyer Liqanın 13-cü turunda “Neftçi” (1:2) ilə qarşılaşmadan sonra 3 gün istirahət edirdilər. Klubun mətbuat katibi Zaur Xudiyev zədəlilərin durumuna da aydınlıq gətirib:
“Əməliyyat olunmuş İsa Suliman və "Araz Naxçıvan"la matçda zədələnən Kasimir Ninqanın reabilitasiyaları davam edir. Son iki oyunda komandaya kömək edə bilməyən Oktavio Manteka artıq fərdi məşqlərə başlayıb. Amma onun "Zirə" ilə oyunda meydana çıxıb-çıxmayacağı matç ərəfəsində bilinəcək”.
