Sumqayıtda "Yay Futbol Düşərgəsi" yekunlaşıb. Sumqayıt24 bu haqda 10 iyul tarixində xəbər verir.
Layihənin sonuncu qrupunda olan şəhid və qazi övladları Fövqəladə Hallar Nazirliyi Sumqayıt Regional Mərkəzinə ekskursiya ediblər. Onlara ilkin tibbi yardım, fövqəladə hallar zamanı davranış qaydaları və s. haqqında məlumat verilib.
Sonra uşaqlar "ATS Food" MMC-nin "Çörəkçi" istehsalat müəssisəsində olublar. Düşərgə iştirakçıları müxtəlif çörək və şirniyyatların hazırlanma prosesinə baxıblar.
Layihə “Paşa Həyat Sığorta” ASC və “İkar-Qrup” MMC-nin (“Kəhriz Su”) sponsorluğu ilə “Azərikimya” İB-nin dəstəyi ilə YAP Sumqayıt şəhər təşkilatı və “Sumqayıt” FK tərəfindən təşkil edilib.
