Sumqayıt voleybolçuları 15 yaşadək qızlar arasında keçirilən seleksiya məşqlərində iştirak ediblər. Bu haqda 10 avqust tarixində Sumqayıt24 məlumat verir.
Məşqlər Azərbaycan Voleybol Federasiyasının idman zalında təşkil olunub. Burada Sumqayıtla yanaşı, Bakı və Xırdalandan seçilmiş 2010-2011, 2013-2014, 2015-2016-cı il təvəllüdlü idmançılar qatılıblar.
Seçilmiş voleybolçular daha yaxşı forma yığmaq üçün 14-18 avqust tarixlərində baş tutacaq “Gənc istedadların müəyyənləşdirilməsi və inkişafı düşərgəsi”ndə iştirak edəcəklər.
