Sumqayıtın futbol klubları qələbə çalıblar. Sumqayıt24 bu haqda 13 noyabr tarixində xəbər verir.
Yüksək Qızlar Liqasında yeni mövsüm başlayıb. Son çempion "Sumqayıt" doğma meydanda Ağcabədinin "Aran" komandanısı qəbul edib. Komandamız Şəfəq Nəsirova (11), Nübar Eminova (6), Aybəniz Əsgərzadə (2), Bənövşə Əsədzadə (2), Fidan Abdulrəhmanova, Arzu Mikayılova, Ləman Mustafayeva, Rövşanə Sərdarlı, Lamiyə Əlizadə və Aytac Feyzullayevanın qolları sayəsində rəqibi 27:0 hesabı ilə məğlub edib.
Əvəzedicilər Liqasında isə 13-cü turun oyunları keçirilib. "Sumqayıt-2" səfərdə "Neftçi-2" üzərində 3:2 hesablı qələbə qazanıb. Qolları Uğur Cahangirov (2) və Əjdər Hacılı vurublar.
