Sumqayıtda “Zəfər Kuboku” turniri keçirilib. Sumqayıt24 bu haqda bu gün, 27 iyun tarixində “Sumqayıt” Futbol Klubuna istinadən xəbər verir.
Turnirdə idman cəmiyyətlərinin 2008-ci il təvəllüdlü futbolçulardan ibarət 8 komandası iştirak edib. Yarışın finalında “Kapital Bank Arena”nın əsas meydançasında “Ərgünəş” və “Məhəllə uşaqları” komandaları qarşılaşıblar.
Gərgin oyun nəticəsində “Ərgünəş” rəqibi üzərində qələbə qazanaraq turnirin qalibi olub.
Mükafatlandırma mərasimində “Sumqayıt” FK-nın prezidenti Riad Rəfiyev, vitse-prezident Aydın Xəlilov, Müşahidə Şurasının sədri Abdulla Məmmədov, Müşahidə Şurasının üzvü Telman Salahov və AFFA-nın texniki direktoru Cahangir Həsənzadə iştirak ediblər.
