Bakı-Sumqayıt yolundakı yerüstü piyada keçidinin metal borularını oğurlamağa cəhd göstərən iki nəfər saxlanılıb. Sumqayıt24 bu barədə 2 dekabr tarixində Daxili İşlər Nazirliyinin mətbuat xidmətinə istinadən xəbər verir.
Hadisə dekabrın 1-də saat 22:00 radələrində qeydə alınıb. Ərazidə xidmət aparan Binəqədi Rayon Mühafizə İdarəsinin əməkdaşlarının ayıq-sayıqlığı nəticəsində oğurluğa cəhd edənlər saxlanılıblar.
Saxlanılanların Füzuli sakini Adəm Şükürov və Şirvan sakini Məhərrəm Səfərov olduğu məlum olub. Onlar polis bölməsinə təhvil veriliblər.
Araşdırma aparılır.
