Sumqayıtda qızını öldürən Salam Cəfərov barəsindəki hökmdən narazıdır. Sumqayıt24 bu haqda 25 yanvar tarixində Pravda.az-a istinadən xəbər verir.
Sumqayıt Ağır Cinayətlər Məhkəməsinin hökmü ilə o, 9 il 6 ay müddətinə azadlıqdan məhrum olunub. Məhkum cəzasının yüngülləşdirilməsi üçün Apellyasiya Məhkəməsinə müraciət edib. Artıq ilkin hazırlıq iclası keçirilib və anket məlumatları dəqiqləşdirilib. Növbəti proses yanvarın 31-də baş tutacaq.
Hadisə 15 fevral 2022-ci ildə baş verib. Salam Cəfərov qızı, 28 yaşlı Zəminə Mehtiyevanı elektrik naqili ilə boğub. İfadə verən təqsirləndirilən şəxs bildirib ki, Zəminə Mehtiyeva öz həyat yoldaşı ilə birlikdə yaşamasa da, boşanmayıb. O, qızının kirvəsinin oğlu ilə sevgi münasibətlərinin olduğunu bilib, bir neçə dəfə qadının gecə vaxtı həmin şəxsin avtomobilinə minib-düşdüyünü görüb və namus üstündə onu qətlə yetirib.
