Sumqayıtda qohumlar arasında baş verən qətlin təfərrüatı ortaya çıxıb. Bu haqda 4 iyul tarixində Sumqayıt24 Baku.ws-ə istinadən məlumat verir.
25 yaşlı Əkbər Vəliyev yaranmış mübahisə zamanı bacısının əri, 25 yaşlı Arif Muxtarovu bıçaqlayaraq öldürüb.
Mərhumun atası Habil Muxtarov bildirib ki, ailə daxilində heç bir problem olmayıb:
“Ailə daxilində problem olanda da insanı belə öldürmürlər. Dəlinin yeri dəlixanadır. Dəlinin birinə atası bıçaq verib deyir: “Narahat olma, pulumuz var, səni xilas edəcəyik”.
A.Muxtarovun bibisi oğlu Vaqif Əliyev qeyd edib ki, dayısı oğlu planlı şəkildə qətlə yetirilib:
“Dörd nəfər olublar. Deyirlər ki, guya tək olub. Amma bu, belə deyil. 15 bıçaq xəsarəti alıb, 7 aylıq körpə balası var”.
Qeyd edək ki, Əkbər Vəliyev iş üzrə şübhəli şəxs qismində tutulub. Faktla bağlı Cinayət Məcəlləsinin “qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi istintaq edilir.
