Sumqayıtda 2 nəfəri öldürməyə cəhd edən şəxs həbs olunub. Bu haqda 12 iyul tarixində Baş Prokurorluğa istinadən xəbər veririk.
Hadisə iyulun 8-i saat 22:00 radələrində baş verib. 69 yaşlı Rafiq Kərimduxtun 10-cu mikrorayondakı şadlıq sarayında ögey qardaşı Vahidi və onun arvadı İradə Kərimduxtu bıçaqladığına əsaslı şübhələr müəyyən edilib.
Faktla bağlı Sumqayıt Şəhər Prokurorluğunda istintaq edilən cinayət işi üzrə Rafiq Kərimduxt Cinayət Məcəlləsinin 29, 120.2.7-ci (qəsdən 2 şəxsi öldürməyə cəhd etmə) maddəsi ilə təqsirləndirilən şəxs qismində cəlb olunaraq barəsində məhkəmənin qərarı ilə 4 ay müddətinə həbs qətimkan tədbiri seçilib.
İbtidai istintaq davam edir.
