Saray RPŞ-nin əməkdaşları tərəfindən narkotikin satışı ilə məşğul olan şəxs saxlanılıb. Bu barədə 18 fevral tarixində Sumqayıt24 Daxili İşlər Nazirliyinin mətbuat xidmətinə istinadən xəbər verir.
Saxlanılan paytaxt sakini Kamran Quliyevin üzərinə baxış zamanı satış məqsədilə əldə etdiyi 2 kiloqrama yaxın heroin və metamfetamin aşkar edilib.
Araşdırmalar zamanı K. Quliyevin sosial şəbəkələr vasitəsilə İranda yaşayan narkotik vasitələrin onlayn satışı ilə məşğul olan həmin ölkənin vətəndaşı ilə əlbir olduğu və onun pul müqabilində narkokuryerlik təklifi ilə razılaşdığı müəyyən edilib. O, həmçinin sosial şəbəkələrdə gənclər arasında narkotik vasitələrin təbliği ilə məşğul olduğu da müəyyən edilib.
Faktla bağlı əməliyyat-istintaq tədbirləri davam etdirilir.
