Sumqayıtda tanışını qətlə yetirməkdə təqsirləndirilən Səftər Bünyətovun məhkəməsi başlayır. Sumqayıt24 bu barədə 14 dekabr tarixində Report.az-a istinadən xəbər verir.
Cinayət işinə Sumqayıt Ağır Cinayətlər Məhkəməsində hakim Fəhmin Hümbətovun icraatında baxılacaq. Məhkəmənin hazırlıq iclası 2023-cü il yanvarın 12-nə təyin edilib.
Qeyd edək ki, hadisə bu ilin avqustunda baş verib. S.Bünyətov şəxsi münasibətlər zəminində aralarında yaranmış mübahisə zamanı 22 yaşlı Pərvin Dadaşova bıçaqla xəsarətlər yetirərək qətl törədib.
S.Bünyətova qarşı Cinayət Məcəlləsinin “qəsdən adam öldürmə, tamah məqsədilə və ya sifarişlə, habelə zərərçəkmiş şəxsin orqanlarından və ya toxumalarından istifadə etmək məqsədilə adam öldürmə” maddəsi ilə ittiham irəli sürülüb.
