Sumqayıtda “Peşəkar idarəçi” müsabiqəsinin test imtahanı mərhələsi keçirilib. Sumqayıt24 bu haqda 17 iyun tarixində Abşeron-Xızı Regional Təhsil İdarəsinə istinadən xəbər verir.
İmtahan 14 nömrəli məktəbin filialında (20 nömrəli məktəb) təşkil olunub. Müsabiqədə iştirak hüququ qazanmış 98 nəfərdən 59-u test mərhələsində iştirak edib. Namizədlərə 80 dəqiqə müddətində tənqidi oxu bacarığı, məntiqi təfəkkür, əmək və təhsil qanunvericiliyi üzrə ümumilikdə 45 tapşırıq verilib.
Məqsəd yerli təhsili idarəetmə orqanlarının fəaliyyətinə dəstək verəcək kadrları aşkar etmək, karyerasını təhsilin idarəolunması sahəsində qurmaq istəyən pedaqoji işçilərə dəstək vermək, təhsil sahəsində idarəetmə vəzifələri üçün gələcəkdə yaranacaq işçi ehtiyacını təmin etməkdir.
